Ikhansili yakoBulawayo ikhangelelwe ukusungula ngoMvulo uhlelo lwayo lokwengezelela amahola okucitshwa kwamanzi ngeviki kulelidolobho esuka ku 72 esiya ku 96 ngenxa yokusilela kwawo emadamu.
Ikhansili le ithi okunye okumemethekisa uhlupho lokusilela kwamanzi yikucitshwa mahlayana kwamandla amagetsi, okubangela ukuthi impompi zehluleke ukudonsa amanzi ngemfanelo.
Ukhansila Mildred Ncube ka ward 16-eGwabalanda uthi umanisipala wakoBulawayo uzamile ukwazisa izakhamizi ngaloluhlelo kuseselesikhathi, ukwenzela ukuthi zizilungiselele.
Your browser doesn’t support HTML5
Ingxoxo loKhansila Mildred Ncube
Siphinde saxoxa lesiphathamandla senhlanganiso elwela amalungelo abahlali balelidolobho eyeBulawayo Progressive Residents Association, uMnu. Thembelani Dube yena othi uhlupho lokusilela kwamanzi lubhahile njalo endaweni ezisemqansweni njenge Pumula East, abantu sebehlale amaviki amathathu bengelamanzi. Uthi kungenzakala ukuthi abanye abahlali bakoBulawayo abazwanga ngaloluhlelo ngoba eminye yalembiko yethulwe nge whattsup.
Your browser doesn’t support HTML5
Ingxoxo loMnu. Thembelani Dube