Umanyano weMatabeleland Forum usukhuthaze iNational Peace and Reconciliation Commission ukuthi iphumele egcekeni ngamazwi asanda ukukhulunywa ngelinye lamalunga alo uMnu. Obert Gutu yena othi udaba lweGukurahundi alusoze lube yilo oluhamba phambili kodwa ngolunye lwendaba nje ezizahlafunwa.
Umanyano lo ulamalunga angamatshumi amabili lasitshiyagalolunye avela eMatabeleland leMidlands, abanye kungabezinkonzo, njalo uthi usebenze lenhlanganiso yeNPRC eminyakeni edluleyo lapho abavumelana khona ukuthi udaba lweGukurahundi lumqoka.
Embikweni owethulwe ngoLwesine, inhlanganiso le ithi inengi labantu eMatabeleland lilokhe likhathazekile ngalesi isehlakalo, lapho okwabulawa abantu ukucatshangelwa ukuthi bangedlula inkulungwane ezingamatshumi amabili, 20,000 ezigabeni zeMatabeleland leMidlands, okwaphazimisela abantu abanengi impilo zabo kuze kube lanamuhla.
Isikhulumeli salumanyano, uMfundisi Useni Sibanda utshele iStudio 7 ukuthi bafuna ikhomishini le iphumele egcekeni isole uGutu nxa ingavumelani lakutshoyo.
Your browser doesn’t support HTML5
Ingxoxo loMfundisi Useni Sibanda