Ingcwethi kwezemfundo zithi zivumelana lohulumende ukuthi ababalisi bengavunyelwa ukuthi befundise abantwana izifundo zokwengezelela ngemva kwesikolo, ngoba kungabangela ukuthi bengasafundisi ngokuqinisileyo ezikolo kodwa bemelele ukuthola inzuzo kuma extra lessons.
Umphathintambo wogatsha lwezemfundo uMnu. Paul Mavima ubikwa egcizelele ukuthi uhulumende ulokhu eqhubekela phambili ngohlelo lwezifundo ezikuNew Curriculum, inengi elalicabanga ukuthi aziseyikubakhona njengoba uMnu. Lazarus Dokora wakhutshwa ekukhokheleni lolugatsha.
Ukuze sihlaziye loludaba, uSithandekile Mhlanga weStudio 7 uxoxe lengcwethi ecubungula ezemfundo uMnu. Isaac Mpofu, ongumlobi wengwalo zesintu.
UMnu. Mpofu, uthi ababalisi abazinikeleyo bayenelisa ukufundisa ama extra lessons ngaphandle kwembadalo.
Wengezelele wathi lanxa kukunengi okuhle ngezifundo eziku New Curriculum, okuyingxaki yikuthi kulomsebenzi omnengi okufanele ufezwe ngabantwana lababalisi, bengelampahla zokusebenzisa ezeneleyo.
Your browser doesn’t support HTML5
Ingxoxo LoMnu. Isaac Mpofu