Ibandla leMDC Alliance lithi uMnu. Mazwi Ndlovu ilunga lalo leBulilima kuWard two ubhubhile ngoLwesine kulandela ukutshaywa kwakhe ngabatsha bebandla leZANU PF ngemva kokhukhonona ngendlela ukudla okwabiwa ngayo kulesi isigaba, ebebandla lakhe bengakutholi.
Umgcinisihlalo webandla leMDC Alliance eMatabeleland South uMnu. Solani Njemnyama Moyo uthi basazama ukuphathisa imuli kamufi, yena okhangelele ukungcwatshwa ngoLwesithathu.
Uthi amapholisa asebophe ilunga le neighborhood watch committee njalo asadingisisa ngaloludaba.
Your browser doesn’t support HTML5
Ingxoxo loMnumzana Solani Njemnyama Moyo
Istudio 7 ayenelisanga ukukhuluma lamapholisa ngaloludaba.
Kusenjalo, isiphathamandla sebandla leZANU PF eMatabeleland South uMnu. Malaki Nkomo omela iInsiza South edale lephalamende uthi lanxa engalalwazi lokwenzakeleyo, kuyadanisa njalo umthetho webandla lakhe awuvumi ukuthi ukudla kwabiwe ngokukhethana. Ngalokho, uthi kuzavela ukuthi abadale leli cala ngobani amapholisa engaluphenya.
Your browser doesn’t support HTML5
Ingxoxo loMnu. Malaki Nkomo