Ibandla leMDC Alliance lithi kufanele abantu bephume ngobunengi babo betshengisele ngokuthula ukwenzela ukuthi amalungelo abo ananzwe elizweni, kulandela ingxabano phakathi kwalelibandla lele MDC-T abathi lisekelwa libandla leZANU PF.
Kodwa ibandla leZANU PF liyalundula ukuthi liphakathi kwalokhu ukuxabana lisithi kufanele iMDC izilungisele ibandla leli, elihlezi lihlephuka lisiba yiziqephu.
Ibandla leMDC lithi selilungiselela ukuqhuba umhlangano walo we extra-ordinary congress ngenyanga kaMpalakazi kulandela isinqumo somthethwandaba we supreme court esilinikel leyimvumo.
Lokhu kwenzakala i-MDC Alliance isithi akufanelanga kukhonye ibandla leMDC-T kuphela kuloludaba, kodwa amakhomithi ayekhona ngomnyaka ka 2014 kusamanyenwe.
Osakhokhela ibandla leMDC-T uNkosazana Thokozani Khuphe ukhangelelwe ukungena edale lephalamende lamanye amalunga ebandla lakhe bethathe izikhundla zamanye amalunga ebandla leMDC Alliance ababaxotshisa kulelidale.
Okunengi ngokuthi i-MDC Alliance ithini ngaloludaba, asikuzweni kungxoxo esiyiqhube lomsekeli wesikhulumeli salelibandla uMnu. Felix Magalela Mafa.
Your browser doesn’t support HTML5
Ingxoxo loMnu. Felix Mafa
Siphinde saxoxa loMnu. Khaliphani Phugeni ogcizelela ukuthi ibandla lakhe lilandela umthetho, njalo lilosekelo olunengi.
Your browser doesn’t support HTML5
Ingxoxo loMnu. Khaliphani Phugeni