I-MDC Alliance ithi uKhansila Njabulo Siziba walelibandla usenqobile kukhetho lokudinga usodolobho weGwanda, kulandela ukuxotshwa kukaKhansila Jaston Mazhale obephethe lesi isikhundla ngenyanga edluleyo.
Isikhulumeli sebandla leMDC Alliance eMatabeleland North uMnu. Ntando Ndlela uthi okudanisayo yikuthi uKhansila Siziba ubebeka indodana yakhe ngoMvulo, etshone engozini yomgwaqo.
Asenelisanga ukukhuluma lokhansila Siziba ngaloludaba.
UMnu. Ndlela utshele uSithandekile Mhlanga weStudio 7 ngendlela okuvotwe ngayo ekhansili ye Gwanda, kanye langokunqoba kuka Khansila Siziba.
Your browser doesn’t support HTML5
Ingxoxo loMnu. Ntando Ndlela
Isikhulumeli seMDC-T uMnu. Khaliphani Phugeni uthi akulabandla leMDC Alliance kule MDC-T kuphela okuyilo elinqobileyo, njalo nxa uMnu. Siziba ezithi ngoweMDC Alliance laye uzaxotshwa esikhundleni.