Kulandela ukunqoba kwebandla leZANU PF ngesilinganiso esiphezulu kukhetho lokudinga amakhansila kwamanye amawards eHwedza, leTsholotsho ngeSonto, ibandla leMDC lithi linqotshwe ngoba amalunga ebandla le ZANU PF abeqilibezela.
Ku ward 4 eHwedza, ibandla leMDC lithole amavoti angu 65, eleZANU PF angamakhulu ayisitshiyagalombili lamatshumi ayisikhombisa lanhlanu-875. ETsholotsho ku ward 16, i-MDC ithole amavoti angu 147 i-ZANU PF 623. Ku ward 20 eTsholotsho, i MDC 21 i ZANU PF 414.
UMnu. Thulani Moyo, umqondisi wenhlelo zokhetho kubandla le MDC eMatabeleland North uthi ibandla lakhe libikele ikhomishini yeZEC ukuqilibezela elithi kwenziwe ngabebandla leZANU PF kodwa abakatholi impendulo. Asenelisanga ukukhuluma leZEC ngaloludaba.
Your browser doesn’t support HTML5
Ingxoxo loMnu. Thulani Moyo
Isiphathamandla sebandla le ZANU PF eTsholotsho uMnu. Believe Gaule uthi ibandla lakhe lizinqobele kuhle kukhetho njalo kuyazakala ukuthi ibandla leMDC licatsha ngomunwe linganqotshwa.
Your browser doesn’t support HTML5
Ingxoxo loMnu. Believe Gaule