Ibandla leMDC lithi alizikhathazi ngokukhulunywe yisiphathamandla somanyano weSADC uNkosikazi Stergomena Lawrence Tax, yena othi bananza umongameli Emmerson Mnangagwa njengomkhokheli owakhethwa ngokusemthethweni.
I-MDC ibisilobele umanyano lo ikhalaza ukuthi ungenele kudaba lokuthi umongameli kasomholi welizwe oqotho ngoba kwaqilibezelwa kukhetho.
Kodwa uNkosikazi Tax ubikwa esithi iSADC ilandela ukuthi inhlanganiso ebona ngokuqhutshwa kokhetho elizweni eyeZimbabwe Electoral Commission yathi umongameli Mnangagwa nguye owanqobayo, kukanti lomthethwandaba weconstitutional court wakugcizelele lokhu.
Uthi umongameli Mnangagwa ukhangelelwe ukusungula umsebenzi wakhe wokukhokhela ugatsha lweSADC olwe Organ on Politics, Defence, and Security Co-operation njengomongameli weZimbabwe.
UMnu. Nkululeko Sibanda, isikhulumeli somkhokheli weMDC uMnu. Nelson Chamisa uthi ibandla lakhe alizikhathazi ngamazwi kaNkosikazi Tax ngoba evuma ukuthi iSADC ayikemukeli incwadi yabo ye petition, kukanti akusuye yedwa okufanele anqume kuloludaba.
Your browser doesn’t support HTML5
Ingxoxo loMnumzana Nkululeko Sibanda