Inhlanganiso elwela amalungelo ezisebenzi eyeZimbabwe Congress of Trade Unions ithi izaxwayisa amalunga ayo ukuthi akhalale umsebenzi kunsukwana ezilandelayo ngomnyaka ozayo, ngendlela yokubamba uhulumende ngamandla ukuthi alungise umnotho welizwe.
Umkhokheli walinhlanganiso uMnu. Peter Mutasa uthi kusobala ukuthi amanye amankampani awasoze avulwe ngomnyaka ozayo, ngenxa yokusilela kwemali lokukhuphuka kwentengo yempahla, okuzatshiya izisebenzi ezinengi zisebunzimeni.
UMnu. Gideon Shoko, uSenator wakoBulawayo kubandla leMDC, njalo engumabhalane obona ngeziphathelane lezisebenzi lenhlalakahle kulelobandla uthi kufanele uhulumende alungise umnotho welizwe.
Your browser doesn’t support HTML5
Ingxoxo loSenator Gideon Shoko
Kusenjalo, inengi lithi kusobala ukuthi uhulumende uyehluleka ukulungisa umnotho welizwe, kukanti lokungavumi kwebandla leMDC ukuthi umongameli Mnangagwa wanqoba kukhetho, yikho okubangela ukuthi uhlupho lolu luqhubekele phambili.
Lokhu kwenzakala kulokusilela kwemali yakwamanye amazwe, amafutha ezimota, lama bond notes, njalo labanye odokotela lababalisi bekhalele umsebenzi.
Ukuhlaziya loludaba, sixoxe loMnu. Sicelo Mpofu, owayengumgcinisihlalo weNkayi Rural District Council, okubandla leMDC-T, endawonye loMnu. Ambrose Sibindi, oyisiphathamandla senhlanganiso yeBulawayo Progressive Residents Association, leyeZimbabwe Congress of Trade Unions, onguye osungula lingxoxo.
Your browser doesn’t support HTML5
Ingxoxo loMnu. Ambrose Sibindi Endawonye loMnu. Sicelo Mpofu