Ezombusazwe

I-MDC-T Iqhubekela Phambili Ngokumisa OMayor Lamakhansila Umsebenzi

  • Sithandekile Mhlanga
IMDC-T isimise umsebenzi okwesikhatshana u mayor weGweru lomsekeli wakhe okhansila Hamutendi Kombayi lo Artwell Matyorauta, kanye lamakhansila.
WASHINGTON —  Icele le MDC elikhokhelwa nguMnu. Morgan Tsvangirai liyagcizelele umbiko wokuthi selimisa umsebenzi okwesikhatshana u mayor walo eGweru lomsekeli wakhe okhansila Hamutendi Kombayi lo Artwell Matyorauta, kanye lamakhansila ambalwa.

Inkokheli yalelibandla eGweru itshele iStudio 7 ukuthi ihlangene ngempelaviki yathatha lesisinqumo, sona esilokhu sizahluzisiswa yikhomithi ye Executive yalesisigaba.

IMDC-T isanda ukuthatha inyathelo elifanayo eMutare, lapho umayor kanye lamanye amakhansila bemiswe umsebenzi, njalo ikhangelelwe ukwenza okufanayo emadolobheni abalisa iVictoria Falls le Kwekwe.

Amadolobho la abikwa engalandelanga izinqumo zebandla lawo ekuvoteni kwawo.

Isiphathamandla se MDC-T uMnu. Sam Siphepha Nkomo, omela iLobengula edale lephalamende utshele uSithandekile Mhlanga weStudio 7 ukuthi kufanele kuthathwe inyathelo elifanayo ekhansili yakoBulawayo kanye lamanye amakhansili lapho amakhansila avotela umsekeli ka mayor ofunwa yibo hatshi libandla.

Your browser doesn’t support HTML5

Ingxoxo LoMnu. Sam Siphepha Nkomo