Ibandla leZanu PF lithi lifuna udaba olwaphanyekwa emthethwandaba ngumanyano weMDC Alliance lilahlwe.
UMnu. Paul Mangwana omele ibandla leZanu PF utshele iphephandaba leSunday Mail ukuthi umanyano lo wehluleka ukunika ngemfanelo uMnu. Emmerson Mnangagwa amasamanisi.
Uthi ngakho-ke sokumele udaba lolu lulahlwe yiConstitutional Court. Umanyano lo ufisa ukuthi kuguqulwe impumela yokhetho olusanda kwenziwa yiZimbabwe Electoral Commission.
IMDC Alliance ithi iZEC kayiqhubanga ngemfanelo ukhetho lolu.
UMnu. Believe Gaule, ilunga lebandla leZanu PF, uthi kalulahlwe udaba lolu nxa umanyano weMDC Alliance ungalandelanga umthetho welizwe.
Your browser doesn’t support HTML5
Ingxoxo LoMnu. Believe Gaule
Kodwa-ke uDokotela Nkululeko Sibanda, isikhulumeli sikaMnu. Nelson Chamisa obencintisa kukhetho lolu ekumanyano weMDC Alliance, uthi ibandla leZanu PF seliphelelwe ngumphako.
Your browser doesn’t support HTML5
Ingoxo LoDokotela Nkululeko Sibanda