Ibandla leMDC-T lithi ukutshaywa lokuhlukuluzwa kwabasekeli balo ngamalunga eZanu PF kuqhubeka kusiba kubi endaweni ezitshiyeneyo zelizwe.
Lelibandla lithi okulikhathazayo kakhulu yikuthi amapholisa kathathi manyathelo lanxa abasekeli balo bengaze betshaywe ekhona.
Umsekeli wesikhulumeli seMDC-T uNkosazana Thabitha Khumalo uthi abasekeli bebandla lakhe sebehlala bethithibele besesaba ubudlova beZanu PF lobu.
Kunjalo nje, okhankasela umbuso okhululekileyo uNkosazana Linda Masarira uthi uzaqhubeka etshengisela njalo echothoza umbuso weZanu PF kungelani lokubotshwa kwakhe.
UNkosazana Masarira ukhululwe ngumthethwandaba weHigh Court ngoMvulo ngemva kokuvalelwa eChikurubi Maximum Prison okwenyanga phose ezintathu
UMasarira utshele iStudio 7 ukuthi lanxa impilo yejele ibuhlungu, kalandaba lokubotshwa. Ngalokho, uthi uzaqhubeka ekhankasela ukuthi uMongameli Mugabe esube embusweni.
Your browser doesn’t support HTML5
Ingxoxo loNkosazana Thabitha Khumalo