UMongameli Emmerson Mnangagwa uthi osomabhizimusi bakwamanye amazwe bavunyelwe ukuzevula amafekithali kwele Zimbabwe njengoba sokulohulumende omutsha.
uMnangagwa wethule lokho ngoLwesihlanu evula okusemthethweni umbukiso weZimbabwe Internaitonal Trade Fair koBulawayo ogqitshwa ngoMgqibelo.
UMnangagwa uphinde wanqonqosela ukuthi uhulumende wakhe uzathwalisa nzima izisebenzi ezingasebenzi kahle lozulu.
Uhulumende wakhe usanda kuxotsha abongi ababekhalala umsebenzi bekhala ngeholo eliphansi. Lokhu kwasolwa ngabantu abanengi kakhulu baze babuyela emsebenzini lobanje uhulumende elokhe ebathwalele ubhulo.
Ngakwelinye icele umkakhe uNkosikazi Auxillia Mnangagwa uphe ikhansili yedolobho lakoBulawayo isipho sabomabonakude abalitshumi lanye embukisweni wabohlangothi olubona ngokuvinjwa kokuthelelanwa igcikwane lengculaza eyeNational AIDS Council
UNkosikazi Senatra Nyathi, umqondisi weNAC koBulawayo, uveze injabulo ngalesi sipho.
Esamukela isipho sabomabonakude, umqondisi wezempilakahle kuKhansili yakoBulawayo, uDokotela Edward Sibanda, ubonge kakhulu esithi sizadala umahluko.
Ilunga ledale lePhalamende, uNkosikazi Jesmine Toffa, okukhomithi yofuba lezempilakahle ubonge ispho lesi esithi kuyisibonelo esihle okwenziwe nguNkosikazi Mnangagwa.
Inhlanganiso yeZimbabwe AIDS Network isebenzelana labathengisa ucansi, izibotshwa labemba amatshe aligugu abangaphansi kweKey Popultions bayabukisa eZITF bekhuthaza abantu ngokuzivikela uma bephatheka kwezemacansini.
Umbukiso walonyaka uqhutshwa ngaphansi kwendikimba ethi "Sustainable Industrial Development-Incusive Competitive Collaborative.
Your browser doesn’t support HTML5
UMnangagwa Uvula Okusemthethweni Umbukiso weZimbabwe International Trade Fair