UMongameli Emmerson Mnangagwa uncome umsekeli wakhe uMnu Constantino Chiwenga ngokuhlaba ijekiseni yeCoronavirus ngoLwesine esithi utshengise uzulu ukuthi ijekiseni le ayila ngozi.
UChiwenga ube ngowakuqala ukuhlatsha ngomuthi olungiswe yinkampani yeSinopharm kulandela ukuphiwa kweZimbabwe amajekiseni azinkulungwane ezingamakhulu amabili, 200,000 nguhulumende waseChina.
“Ngibonga umsekeli wami njalo engumphathintambo wezempilakahle uMnu Constantino Chiwenga ngokutshengisa uzulu weZimbabwe ukuthi ijekiseni le ayisongozi ebantwini,” kutsho uMnangagwa eloba enkundleni yeTwitter.
“Yisikhathi esiqakathekileyo kkahulu kumzabalazo welizwe lethu wokulwisana legciwane leli.”
Kodwa abanye bathi lanxa okwenziwe nguChiwenga kusipha abantu isibindi, kumele uMongameli Mnangagwa laye ahlatshwe abantu bekhangele.
“Yebo kambe kuyinto encomekayo nxa kuyikuthi uhlatshwe yonaleyo eyeChina, kodwa kea bantu bebekhangelele ukuthi kuqalise kuMongameli,” kutsho olunga leMDC Alliance uMnu Edwin Ndlovu.
Your browser doesn’t support HTML5
Ingxoxo loMnu Edwin Ndlovu
Ilunga leZanu PF uMnu uMnu Believe Gaule yena utshele iStudio 7 ukuthi kuyinto encomekayo ukuthi abantu sebeqalile ukuhlatshwa.
Your browser doesn’t support HTML5
Ingxoxo loMnu Believe Gaule