UMsekeli kaMongameli welizwe uMnu Kembo Mohadi ukhuthaza isiko lokuhlanzeka eZansi yemaNdebeleni esithi ingcekeza ilakho ukudala ukumemetheka kwemikhuhlane ngalesisikhathi sezulu.
UMohadi ukhulume eseGwanda ngoLwesihlanu ngosuku lokunanza umkhankaso wokukhuthaza ukuhlanzeka olweNational Clean Up Campaign.
UMohadi ukhuthaze uzulu ukuba ayamkele lumkhankaso we National Clean Up owasungulwa nguMongameli Emmerson Mnangagwa esithi imikhuhlane ebalisa eyesihudo seCholera leTyphoid kanye lowoqhuqho imalaria, ilakho ukuqhamuka ngalesisikhathi sezulu nxa izakhamizi zihlezi lapho okulengcekeza.
Kunanzwa iNational Clean Up Campaign eGwanda
“Sithanda ukufundisa abantu bakithi ukuthi ingcekeza ayisiyonto enhle isiphathela okunengi isiphathela imikhuhlane etshiyeneyo eminengi enjenge Cholera, Dysentery, Typhoid leminye imikhuhlane enjengeMalaria ethwala ngamamosquito abreeder khonapho engcekeni, siyazama ukubakhuthaza ukuthi amaguma abo ahlale ehlanzekile.”
UMohadi uthi kuyadingeka ukuthi kufakwe impompi zamanzi ezintsha eGwanda esithi ezikhona okwamanje kazisahambelani lenani labantu asebehlala kulindawo.
“I population sikhulile so isewer system le water reticulation system ayisenelise ukuservicer abantu abakhona, ngcono sithi overhaul isystem ekhona ukuthi sikwanise ukuservicer abantu bethu.”
UMeya weGwanda uMnu Jastone Mazhale uthi lanxa lumkhankaso ulenjongo eqotho inengi labantu alibuyanga ngoba liphatheke emisebenzini yokuphandela imuli.
“IClean Up Campaign yona injongo yayo iright kodwa obekudanisa lamuhla yikuthi abantu abanengi a babuyanga, uzananzelela ukuthi ingatsha zikahulumende yizo ebezikhona ngenxa yokuthi bekuloVice President but izakhamuzi azisukumanga ngobunengi kodwa kumele njalo sinanzelele ukuthi izakhamizi azingeke zibuye ngobunengi ngenxa yodubo esibhekane lalo elizweni abantu bavuka besiyazama ukuphandela abantwana lapha lalaphaya ukuze bathole okuya ethunjini.”
Izisebenzi zengatsha ezitshiyeneyo zikahulumende kanye labantwana besikolo bancedisane loMohadi ukudobha ingcekeza phandle kwenkundla yePhelandaba.
Kusenjalo, akubizwa ozwayo lamhlanje enkundleni yePhelandaba Stadium lapho abahlabeleli bomculo wokholo abakuleli labeSouth Africa abazahlabelela uzulu emkhonsini weGwanda International Gospel Music Festival.
UMhlabeleli odumileyo wakwele South Africa uSipho Makhabane ukhona laye kulumkhosi oqoqwa minyaka yonke yinzalo yeGwanda engusomabhizimusi eGoli uMnu Justice Maphosa.
Your browser doesn’t support HTML5
Udaba lokuhlanzeka kwedolobho leGwanda siluphiwa nguAlbert Ncube