WASHINGTON DC —
UMongameli Robert Mugabe uthi sekuyisikhathi sokuba amazwe ezwekazi le Africa lawe Caribbean le Pacific atshiyane lomkhuba wokuphila ngokucela kumazwe awomanyano we European Union.
Esethula amazwi akhe kwele Papua New Guinea emhlanganweni we African Caribbean and Pacific uMongameli Mugabe uthi amazwe eAfrica, Pacific le Caribbean anothile njalo alezemvelo ezingenza azimele engaphili ngokucela.
UMongameli Mugabe nguye yedwa umongameli osemhlanganweni lo oweziphathamandla zabohulumende, osekutshiye uzulu weZimbabwe ethandabuza ukuthi loluhambo vele luzaphathisani ilizwe.