AmaLecture Series Ngembali kaNkomo Ayaqhubeka KoBulawayo

WASHINGTON —  Imihlangano yezifundo eziphathelane lembali kamuyi owayekhokhela ibandla le ZAPU u Dr. Joshua Mqabuko Nkomo eyama lecture series eqalise ngoLwesithathu ibikwa iqhubekele phambili lamuhla kobulawayo emawolu e Phelandaba, Phumula South, Nkulumane leBeit Hall eLuveve.

Kodwa abakhulume le Studio 7 abagoqela abamabandla ezombusazwe kanye labamela amalungelo ezisebenzi bathi abazi lutho ngala ama lecture series njalo ibandla leZANU PF lisebenzisa lelithuba ukuzidingela usekelo ebantwini lisebenzisa ibizo lika muyi.

Indodana kamuyi uMnu. Sibangilizwe Nkomo usanda ukugcizelela ukuthi kufanele amabandla ezombusazwe kanye labantu bemihlobo etshiyeneyo bebambane njengalokhu okwakukhanselwe nguDr. Joshua Nkomo.

UMnu. Dumisani Nyongolo Nkomo, ingcwethi ecubungula ezombusazwe njalo engomunye wemuli kamuyi utshele uSithandekile Mhlanga weStudio 7 ukuthi ngempela ibandla le ZANU PF lingabe lisenza lo umkhosi ube ngowalo wodwa.

Ingxoxo LoMnu. Dumisani Nyongolo Nkomo

Izifundo zama lecture series lezi zibikwa ziyaqhubeka njalo ngoLwesihlanu ekolitshini le polytechnic koBulawayo, njalo zikhangelelwe ukuphathwa nguMnu. Cephas Msipha, owayengusibalukhulu we Midlands. IStudio 7 iphakathi kwemizamo yokukhulumisana lebandla le ZANU PF ngaloludaba.