Amalunga ebandla leMthwakazi Republic Party (MRP) avimbe ukuqhutshwa komhlangano obuqoqwe yinhlanganiso kahulumende ebona ngezokukhumisana umlotha eye National Peace and Reconciliation Commission (NPRC) eLupane ngoMvulo, esola ukuthi injongo bekuyikuhlafuna izehlakalo ezisukela kumnyaka ka2000 ezingagoqeli umbhuqazwe weGukurahundi.
Omunye wamalunga alelibandla ovimbe lumhlangano, uMnu. Honest Khawulani Ncube, uthi okunye okubadanisileyo yikuthi ikhomishini yeNPRC ilelunga elilodwa zwi elikhuluma ulimi lweSiNdebele, kukanti amanye amalunga afuna ukukhulumisa abantu ngolimi lwesiShona, olungakhulunywa ngabanengi ezigabeni zeMatabeleland.
UMnu. Ncube uthi kufanele ikhomishini le ilalele izikhalazo zabo ukwenzela ukuthi abantu abahlukuluzekayo eMatabeleland baxole.
Wengezelele wathi inengi labantu liyasekela okwenziwa yinhlanganiso yakhe.
“Into esiyenzileyo bayizwisisile njalo bayayithanda…ukuthi sibavimbe labana abantu. Abanye abadala bakade bekhona sihlala sisiba labo…..abaseMlamuli abaze ukuthi bazosekela into le ebesiyikhuluma,” kugcizelela uMnu. Ncube.
Inhlanganiso yeMPR yavimba ukuqhutshwa komunye umhlangano ofanayo ngeviki edluleyo edolobheni lakoBulawayo.
Your browser doesn’t support HTML5
Ingxoxo LoMnu. Honest Khawulani Ncube