Olwela amalungelo oluntu obalekele kweleSouth Africa kumaviki asanda kwedlula uMnu Josphat Mzaca Ngulube kanye lomzukulu wakhe oke wathunjwa watshaywa eZimbabwe uNoxolo Maphosa bathi sebehlukuluzwa njalo ngabantu abathi ngamalunga eZanu PF kumbe abasebenzela uhulumende khonale kweleSouth Africa.
UMaphosa uthunjwe ngabantu ababedinga umalumakhe ngenyanga edluleyo bamhlukuza kakubi. Lokhu kwabangela ukuthi ababili laba babaleke baye eSouth Africa.
Kodwa uNgulube uthi sokulabantu abacabangela ukuthi ngabeZanu PF asebetshona bebalandelela khonale eSouth Africa.
UNgulube utshele iStudio 7 ukuthi kumalanga asanda kwedlula balandelwe ngenye imota ngemva kokuchothoza umbuso weZanu PF kuSABC, bahlukumezeka baze babaleka bayaphephela emapholiseni.
Your browser doesn’t support HTML5
Ingxoxo loMnu Josphat Mzaca Ngulube
Khepha umgcinisihlalo weZanu PF eSouth Africa uMnu Kennedy Mandaza uthe lanxa belusizi ngokwenzakala kuNgulube loNoxolo, ukulandule ukuthi amalunga ebandla lakhe yiwo abahlukuluza.
Uthe ababili laba kumele basebenze lamapholisa ukuze kubotshwe abahlukuluzi babo.
Your browser doesn’t support HTML5
Ingxoxo loMnu Kennedy Mandaza