Uhulumende uthi namuhla ubelomhlangano lenkampani ye Delta Corporation epheka amanamnede ebikwa ibisivalwa ngenxa yokusilela kwemali yakwamanye amazwe, bavumelana ukuthi izaqhubeka isebenza ngoba eseyinike usizo lwaleyomali.
Inengi ebelisesabela ukuthi aliyikuthola amanamnede lotshwala ezitolo ngekhisimusi selingathokoza, lanxa uhulumende esithi mhlawumbe lezimpahla azisoze zifike ngesikhathi esifaneleyo. IStudio 7 ayenelisanga ukukhuluma lenkampani yeDelta ngaloludaba.
Umphathintambo wogatsha lukahulumende olubona ngezokuthengiselana, olwe Trade and Commerce, uMnu. Nqobizitha Mangaliso Ndlovu, onguye obehola lumhlangano uthi uhulumende ubevele enikeze linkampani imali yakwamanye amazwe, kodwa yona ithi ibingakayamukeli.
UMnu. Ndlovu uqala ngokuchasisa ukuthi inkampani ye Delta ibivele ingavalwanga.
Your browser doesn’t support HTML5
Ingxoxo loMnu. Nqobizitha Mangaliso Ndlovu