Abacubungula ezombusazwe kanye labalwela amalungelo kazulu bathi ukufuthelana phezu kokubulawa kwenkulungwane zabantu eMidlands laseMatabeleland ngesikhathi seGukurahundi akusoze kuphele nxa udaba lolu lulokhe lungakalungiswa.
Lokhu kuphume emhlanganweni oqhutshwe yinhlanganiso yeIbhetshu likaZulu enkundleni exhumanisa abantu bekude eyeZoom izolo.
Isikhulumeli salinhlanganiso uMnu Mbuso Fuzwayo utshele iStudio 7 ukuthi izikhulumi ebezikulumhlangano ezivela kunxa zonke zelizwe zivumelene ukuthi udaba lolu ludinga ukulungisiswa.
Your browser doesn’t support HTML5
UMnu Mbuso Fuzwayo
Uhulumende kaMongameli Emmerson Mnangagwa uthi uyalulungisisa udaba lweGukurahundi lolu esebenzelana lenhlanganiso ezizimeleyo kanye lenkokheli yosiko eMidlands laseMatabeleland.