Izisebenzi zenkampani kaLoliwe eyeNational Railways of Zimbabwe zithi zizatshengisela ngoMgqibelo ozayo eGweru, eHarare, eBulawayo, leMutare zikhalaza ukuthi ziphiwe iholo lazo kulandela imvumo eziyiphiwe ngeviki edluleyo ngumthethwandaba waphezulu ukuthi zingatshengisela ngokuthula.
Ngenyanga edluleyo, amapholisa avimbele izisebenzi zalinkampani ukuthi zitshengisele ngoba esithi lokhu kungabangela ukuthi kuqhamuke udlakela.
UMnu. Tamurai Moyo umkhokheli wenhlanganiso yezisebenzi zikaLoliwe eye Zimbabwe Amalgamated Railways Union utshele iStudio 7 ukuthi izisebenzi zisola kakhulu ukuthi ziholiswa ingxenye yeholo lazo nyanga-zonke kulokuthi inkampani ibhadale isikwelede sonke elaso kuzisebenzi.
Kodwa isikhulumi senkampani kaLoliwe uMnu. Fanuel Masikati uthi ukuphumelela kwenkampani yakhe kulingana lomumo wezomnotho welizwe, njalo inkampani yakhe isebenza gadalala ukuthi izithuthukise khona izagcwalisa zonke indingeko zayo.
Your browser doesn’t support HTML5
Ingxoxo LoMnu. Fanuel Masikati