Odokotela abakhalala umsebenzi benze umhlangano ngoLwesine lomphathintambo wezempilakahle, uDokotela Obadiah Moyo, eHarare kulandela ukuxotshwa umsebenzi kwabanye babo abedlula amatshumi ayisikhombisa.
UDokotela Tawanda Zvakada, osabembe okwesikhatshana isikhundla sika nobhala jikelele kunhlanganiso yabodokotela abasathuthukayo eyeZimbabwe Hospital Doctors’ Association, uthi abaphumanga lalutho emhlanganweni lo. Uthi bakhangelele ukwenza eminye imihlangano loMoyo.
Uhulumende uthi sexotsha umsebenzi abanye odokotela abakhalala umsebenzi ngoMpandula bekhonona ngeholo eliphansi lokuswelakala kwemitshina yokwelapha izigulane ezibhedlela zikahulumende.
UDokotela Paulinus Sikosana, okunhlanganiso eqhatsha odokotela eyeHealth Service Board, uthi ngempela odokotela bahlale phansi loMoyo bakhuluma angakwaziyo ngoba kade engekho emhlangagweni lo. Kasenelisanga ukuxoxa loMoyo ngodaba lolu.
UDokotela Mthabisi Bhebhe, okunganganiso yeZimbabwe Hospital Doctors Association, uthi kuqakathekile ukuthi uhulumende akhulumisane labodokotela abakhalala umsebenzi.
Your browser doesn’t support HTML5
Ingxoxo Esiyenze LoDokotela Mthabisi Bhebhe