Ngeviki ephelileyo kuhlelo Woza Friday besilomculi odume kakhulu kwele Bhilithane ngengoma zakhe zeHouse Music.
Kulezinsuku ucula lomdumo wengoma zokholo uSukoluhle Ncube, owazakala ngegama lokuthi nguOluhle
UOluhle wahlupha kakhulu ngengoma yakhe eyadla ubhedu uGuqa Uthandaze ngo2010 eyathakazelelwa ngabanengi ngeningizimu yeAfrica yonke. Okwamanje sepheke okunye okutshisayo njalo uyaphambili ngomculo.
"Lokhu ngicula ngisiyaphambili, okwakhathesi ngidinga ama opportunities akhona, ngoba umculo uya uguquka ngaso sonke iskhathi. Ukupheka umculo kwenziwa ngabantu besilisa kodwa ngaba lesisfiso ukuthi ngizenzele ngingedwa njengomuntu wesamami, ngenelisa ngakho ke ngiqhubekela phambili ngakho ngilesifiso sokuthi ngingafundisa abanye omama ukuthi labo bakhone ukuzenzela bebodwa."
Usebenze kakhulu emazweni afana le Spain, Germany, France esenza imicimbi yakhe okwamenza waduma okwamagama kulamazwe ngemculo etshisayo.
"Iculo elatshisa kakhulu eEurope lithi "Owami" engalenza loDj abamuthi nguKohli owase Germany lelo laduma kakhulu laduma kuma Festival amanengi kakhulu eEurope afanana labo Tomorrow Land.
Abantu bangawuthola ngaphi umculo wakho ohlabusa kangaka MaNcube?
"Umculo wami utholakala kubo B-Port, Traxsource, iTunes, Amazon Music, lazo zonke izindawo ezitshiyeneyo ezifana labo Spotify, on-line.
U-Oluhle njengomculi uhlezi esenza imcimbi yokujabulisa abantu endaweni ezitshiyeneyo kuzwekazi leEurope njalo nxa ufuna azokuculela uyatholakala.
"Abantu bangangibooker for ama events abo ku depender ukuthi yievent enjani. Ngitholakala ku Instagram, Oluhle Ncube, ngitholakala kuFacebook Oluhle faka imesssge kumbe bangithole ku email ethi notemrecords@hotmail.com kukhona lapha okulo manager wami khona abangamthinta.
Uyasebenza uOluhle kadlali njalo uthi kabuyeli emuva ngokucula.