Abasakhulayo bamabandla aphikisayo bathi ukulwisana phakathi kwebandla leZanu PF kuphazamisa inhlelo zikahulumende nanku amalunga alelibandla setshona edlephana kulokuthi alungisise umnotho welizwe.
Bathi njalo kulihlazo ukuthi ibandla leZanu PF lenzela uMongameli Robert Mugabe idili lokuthakazelela ukuzalwa kwakhe ngoMgqibelo lona ilizwe libhekane lendlala embi.
Imali ezasetshenziswa kulelidili ifika phose kusigidi esisodwa samadola.
Osakhulayo weMDC-T njalo engumgcinisihlalo wekhansili yeBinga uMnu Dube Mukombwe utshele iStudio 7 ukuthi sokufana lokuthi ilizwe aliselaye uhulumende.
Your browser doesn’t support HTML5
Ingxoxo loMnu Dube Mukombwe
Kodwa isikhulumeli seZanu PF uNkosazana Evelyn Mpofu uthi akulalutho olubi ngokwenzela uMugabe idili njalo ukulandule ukuthi ibandla lakhe selehlulekile ukubusa kuhle.
Your browser doesn’t support HTML5
Ingxoxo loNkosazana Evelyn Mpofu