Amabandla aphikisayo athi axwayisa abantu ukuthi bengathathwa ludumo ngamazwi kaMongameli Emmerson Mnangagwa othi uzathuthukisa umnotho welizwe, bekhohlwe ukuthi izenzo zakhe azehlukananga kakhulu lezika lowo obenguMongameli uMnu. Robert Mugabe, ezibikwa zibangele ukubhidlika komnotho welizwe lokungahlonitshwa kwelungelo loluntu.
UNkosikazi Rita Ndlovu, ongumqoqi wenhlelo kubandla leMDC elikhokhelwa ngusikhwicamfundo Welshman Ncube uthi abantu bengalibali ukuthi injongo ebivele ikhona ngeyokuthi kuyiwe kukhetho olukhululekileyo abantu bezikhethele umongameli abamfunayo.
Umgcinishlalo webandla le MDC-T uMnu. Lovemore Moyo uthi indlela uMongameli Mnangagwa azabusa ngayo izavezwa yizenzo hatshi amazwi akhe kuphela.
Lokhu kugcizelelwa nguMnu. Edwin Ndlovu,isiphathamandla sebendla le People’s Democratic Party.
Your browser doesn’t support HTML5
USithandekile Mhlanga Usethulela Loludaba
Kusenjalo, iStudio 7 ixoxe lomfundisi uNkosikazi Monica Mzeziwa, yena othi uxwayisa abantu, ukuthi babelethemba lokuthi uMnu. Mnangagwa uzabusa ngemfanelo.
UNkosikazi Mzeziwa, ohlala eMelika njalo obekhuluma ekuma studio7 alumsakazo, uthi usanda ukwethekelela ekhaya njalo umnotho welizwe ulokhu ukusimo esibi.
Your browser doesn’t support HTML5
Ingxoxo LoNkosikazi Monica Muzeziwa