Kuhlelo Woza Friday sixoxe lejaha leZimbabwe elisakhulayo, uOtis Ngwabi ocula, umdumo we Afro Pop-Soul ehlala kwele South Africa.
Abahlabeleli abanengi abadabuka eMatabeleland bawela ingulukudela besiyafuna impilo entsha eSouth Africa ngoba besithi umculo wabo awunanzwa eZimbabwe.
UOtis Ngwabi ungomunye wabaculi beZimbabwe osehlala eGoli njalo kulapho acindezela ingoma zakhe.
Waqalisanini ukucula uOtis? “Ngiqale ukucula ngomnyaka ka2000. Umculo wami ubizwa kuthiwa yiAfro Pop and Soul Music
Ulamadlalade amangaki uOtis otshaya umculo opholilayo? “Ngilama albums amabili, eyakuqala ibizwa kuthiwa Inkondlo Zothando, eyesibili ibizwa kuthiwa Zulu Zulu. Abantu bawuthakazelela kakhulu umculu, bayawuthanda and basafuna nokuthi ngiwenze ngiqhubeke ngiye phambili.
UOtis usebenza usebenza lobani kumdumo omnandi kanje? “Kudlalade lami lesithathu ngisebenze loBanele Moyo oweRecord Label ebizwa kuthiwa yiNitch Elements. Ngingathi kafitshane abantu abangingenisa emculweni ngubaba uConte Mhlanga, uBabongile Skhonjwa, Albert Nyathi lawe bhudi Ezra Tshisa Sibanda.”
UOtis uyazibhalela ingoma zakhe njalo uthi ngeke aphume kuzingoma zakhe ezipholileyo ngoba yizo ezihambelana laye. Pho ikusasa yakhe uyibona njani uNgwabi njengoba kunzinyana ukuthi abantu bathenge ingoma?
“IKusasa yami ilokukhanya because ngisazo yenza more projects, more albums and ngisazo collaborater lamanye ama artists amakhulu. Kubalandeli bami labalaleli ngithi please keep on supporting me. Ngiyabonga isupport yenu elinginikeze yona all these years ngiyabonga kakhulu.”
Kukhanya ziyamkhiphela umfana KaNgwabi eMzansi, uthi kayindawo njalo ukucula kusegazini lakhe kakufaniseli.
Your browser doesn’t support HTML5
Utshaya Kuzwele uOtis Ngwabi ...