Amabandla ezombusazwe aphatheke kunkulumo zokukhulumisana eze Political Actors Dialogue athi uhlelo lolu luqakathekile ngoba bazakwabelana amacebo okuthuthukisa umnotho welizwe, ukulondoloza ukuthula, lokunye.
Ezinye iziphathamandla zamabandla ehlukeneyo lezizimeleyo eziphatheka kulezinkulumo zibalisa uMnu. Brian Mteki, uNkosazana Thokozani Khuphe weMDC-T, uMnu. Lovemore Madhuku weNational Constitutional Assembly, kanye loNkosikazi Lucia Matibenga wePeople’s Rainbow Coalition, okhokhela ibandla le People’s Democratic Party, labanye.
UNkosikazi Matibenga uthi njengoba abantu laba bancintisa kukhetho lokudinga umongameli, balengwalo zama Manifesto, njalo ezikumumetheyo kungasetshenziswa ukuvuselela umnotho welizwe.
Umongameli Emmerson Mnangagwa, ovule inkulume zePOLAD ngokusemthethweni ngoLwesihlanu wagcizelela kulowo mbuthano ukuthi uyalalela amacebo avela kwabanye awokuthuthukisa umnotho welizwe.
Ibandla leMDC lithi inkulumo lezi azisoze zifeze injongo yazo ngoba okuqakathekileyo yikuthi umongameli Mnangagwa akhulumisane lalo, kulokukhuluma lamabandla amancinyane lona kuyilo elathola usekelo olunengi kukhetho.
UNkosikazi Matibenga usichasisela ukuthi inkulumo lezi zizavuselela njani umnotho welizwe.
Your browser doesn’t support HTML5
Ingxoxo loNkosikazi Lucia Matibenga