Abantu abanengi eZimbabwe bathi sebephila nzima ngenxa yokucitshwa komlilo kagetsi emadolobheni lakwezinye indawo.
Abalamabhizimusi bathi sebesehluleka ukuthengisa impahla etshiyeneyo kuthi-ke uzulu uthi izitshebo kazisagcineki ezindlini. Abanye abantu bahlala amalanga amabili bengala mlilo kagetsi.
Inkampani yeZimbabwe Electricity Supply Authority ithi ukuswelakala komlilo kagetsi kwenziwa yikwentsha kwamanzi edamu leKariba.
Kodwa-ke ingcwethi kwezomlilo kagetsi zithi ilizwe leZimbabwe kalizange lenze inhlelo eziphakeme zokuphehla umlilo lo.
Omunye wabakhala ngokwenzakalayo okwamanje ezindlini nguMnu. Terminus Masuku ohlala edolobheni leGweru.
Your browser doesn’t support HTML5
Ingxoxo Esiyenze LoTerminus Masuku
Lokhu kusekelwe nguMnu. Prince Khumalo, ohlala koBulawayo, othi sebephila engani basemaphandleni lapho okungela mlilo kagetsi.
Your browser doesn’t support HTML5
Ingxoxo Esiyenze LoPrince Khumalo
Kasenelisanga ukukhuluma lesikhulumeli senkampani yeZESA ebesingaphenduli umakhalukhukhwini.