Owayengumsekeli kamkhokheli weNational People's Party (NPP), uMnu. Sam Siphepha Nkomo uthi usetshiyile ezombusazwe njalo usesiyaziphumulela ekhaya, alobe ugwalo, kukanti kachaphelanga kubandla leMDC njengalokhu okuphume kweminye imisakazo lamaphephandaba.
Amalunga ebandla leNPP abalisa umgcinisihlalo uMnu. Dzikamai Mavhaire, lesikhulumeli sebandla leli uMnu. Jefferson Chitando, labanye, athi asechaphele kumanyano wamabandla ezombusazwe owe MDC Alliance, okhokhelwa nguMnu. Nelson Chamisa, wona osubumbe ibandla linye eleMDC.
Kodwa uMnu. Nkomo, obanakale emfanekisweni elamalunga ebandla leMDC kanye labanye bakhe, uthi lokhu akutsho ukuthi usekubandla lelo.
“Lokhu elikubonileyo ukuthi sengisukile ngale, singiri-jo-yine i-MDC ayisikho. Ngibonile lami lapho oku thwithe khona uPresident uChamisa, hayi ayisikho,” kutsho uMnu. Siphepha-Nkomo.
Uqhubeke wathi ubekhaphe abanye bakhe abasuke eNPP ukuya emawofisini e MDC eHarvest House eHarare ngoba bemcelile ukuthi akhulumisane lalelibandla bengakamanyani lalo.
“Okwenzakeleyo yikuthi ngihambile ngayabonana loChamisa izolo, ngemva kokuba sengimtshayele i phone ngenxa yabanye abantu abafuna ukuthi ngibe yi mediator between them and Chamisa, so yikho bengiseHarvest House,” uyagcizelela.
UMnu. Siphepha-Nkomo uthi utshele umhlangano we NPP ngeviki edluleyo ukuthi usetshiya umsebenzi, umkhokheli walelibandla uNkosikazi Joyce Mujuru wazwisisa ngoba wayevele emtshelile phambilini. Uthi njengoba eseleminyaka engamatshumi ayisikhombisa lanhlanu-75, usegugile ngakho usesiyaziphumelela.
Wengeze wathi uzaloba ibhuku eligxile kumpilo yakhe ejele lapho ayevalelwe lezinye iziphathamandla zebandla lePF ZAPU nguhulumende wabamhlophe.
Your browser doesn’t support HTML5
Ingxoxo loMnu. Sam Sipepa Nkomo