Owake waba nguMongameli weSouth Africa uMnu Thabo Mbeki uthi uhulumende wakhe wadlala indima enkulu ukwenqabela ukungenela kommanyano weUnited Nations kundaba zeZimbabwe ukhokhelwa yiMelika leBhilithani.
Owake waba ngumongameli weleSouth Africa Umnu. Thabo Mbeki
Embikweni awethule ngoMvulo, uMbeki uthe amazwe la ayefuna ukusebenzisa udaba lokuthathwa komhlabathi nguhulumende weZimbabwe ukungelela kundaba zalelilizwe ekhiphe uMongameli Mugabe embusweni.
Umbeki wayengumlamulankunzi kunkulumo zeZimbabwe ezakhokhelela ekubunjweni kukahulumende womanyano ngo2009 njalo wasolwa kakhulu ngabanengi ngokuphatha uMugabe ngesandla esibuthakathaka.
UMbeki selamaviki athile esethula umbiko maviki wonke ngoMvulo mayelana lezinto ezenzakala ngesikhathi esangumongameli.
Ukuhlaziya amazwi akhe sixhume ingcwethi kwezombusazwe uMnu Nkululeko Sibanda.
Your browser doesn’t support HTML5
Ingxoxo loMnu Nkululeko Sibanda