Ibhanga elikhulu lelizwe eleReserve Bank lithi selivumelane lenhlanganiso ebona ngokubhakwa kwesinkwa eye National Bakers Association of Zimbabwe ukuthi yehlise intengo yesinkwa.
Usibalukhulu walelibhanga uMnu. John Mangudya wethule umbiko ngoMvulo esithi inhlanganiso le izathola imali yakwamanye amazwe ngokuphatheka emkambo wayo we auction oqhutshwa maviki wonke.
Asenelisanga ukukhuluma leBakers Association ngaloludaba.
Lokhu kulandela ukukhuphuka kwentengo yempahla ezitolo njalo lenengi lisithi alisenelisi ukuzithenga.
Ukuhlaziya loludaba, sixoxe loMnu. Thembelani Dube, isiphathamandla senhlanganiso elwela amalungelo abahlali bakoBulawayo eyeBulawayo Progressive Residents Association.
UMnu. Dube uthi bekuqakathekile ukuthi iRBZ yazise ukuthi intengo yesinkwa izakwehliswa ngemali enganani.
Your browser doesn’t support HTML5
Ingxoxo loMnu. Thembelani Dube