Ukugqhiba umcintiswano weStudio Seven owenkondlo silethulela imbongi elodumo eloba lokugiya inkondlo ezehlukeneyo ezilohonzi, uNtuthuko Mabulala Nyathi odabuka eGwanda.
Le imbongi elodumo eZimbabwe uNtuthuko Mabulala Nyathi kunkondlo yakhe ethi., Kutheni ngal’ igoli, ukhuluma ngezigigaba esenzakala eGoli esithi abantwana beZimbabwe sebengene eGoli baqala ukugila imikhuba ezilayo.
UMabulala uthi ukuba ngusonkondlo ukuqale esasesikolo eManama ngesikhathi kulethuba lokuthi obhale inkondlo enambitha kulazo zonke uzakuba yingxenye yohambo lwesikolo. Uthike yena njengembongi akagcwalelwa mfula kantike akufanelanga asolwe ngoba kungumsebenzi wembongi ukubhala ezikucabangayo.
Ngenkondlo ngiyavunyelwa ukuthi ngibe lokuchothoza ngincome ngibuye ngisole. Ukusola kwami akukhathalekile ukuthi ngubani okumele ngimsole kodwa engibona engathi ngowami umbono akumanga kahle, njalo angeke umuntu akuveze obala thina siyavunyelwa njengabosonkondlo ukuthi sikuveze. Yikho engikwenzayo inkondlo zami zibamba yonke into kunga ngezepolitiki, kungaba ngezomnotho kungaba ngezempilo yethu yansuku zonke ngiyakuthinta konke.
Ikhonakele ethi Amadlozi ami lapho agiya khona ngolimi eluxapha xapha sengathi ngamaxoxo ecapha amaxhaphozi exhaphozini.
UMabulala uthi uselenqwaba yenkondlo kanti inengi lazo uzenza emicimbini etshiyeneyo eZimbabwe. Kulezi nkondlo ubamba konke okwenzakala empilweni. Ikhonale akhala khona ngesililo sendoda lapho ehlaba khona umkhosi ngobunzima bokuba yindoda.
Uthike ezakhe kaziveli emaphutsheni kodwa ubhala okwenzakala empilweni.
"Ngiya obsever engikuthi yiku observer ngesilungu, uphakathi, isociety njengoba inje besesibona ukuthi lokhu nalokhu akuhambi kahle. Ukubhala yinto engithi engiyenzayo nxa ngi observer isociety, ngoba okungenza ngibe ngusonkondlo yikuthi ngile extra gift engingathi ngokulithalentanyana kumbe isiphiwo esingenza ngibone okungale abantu abangeke bakubone.
Ikhonake eyezombusazwe lapho asola khona izenzo zababusi ababusa abantu sengathi yizichaka, besalanje ukuthi bededele abanye. Uthike kule akachothozi muntu kodwa uphikisana lezenzo ezimbi eseziyinjwayelo kubabusi abanengi.
Your browser doesn’t support HTML5
Udaba lwembongi uNtuthuko Mabulala Nyathi siluphiwa nguBenedict Nhlapho