Abakhweza isicelo emthethwandaba besithi ukungcwatshwa kutsha kwabantu ababulawa yiGukurahundi akumelanga kuqhutshwe nguhulumende lenhlanganiso ezithile, bathi balakho ukudlulisela isicelo sabo eSupreme Court alubana idale leHigh Court lithe lethula isinqumo abangavumelani laso.
Omamangala bagoqela ibandla leZapu, inhlanganiso yeIbhetshu likaZulu lomunye wabasinda kulumbhuqazwe uMnu Charles Thomas.
Bathi uMongameli Emmerson Mnangagwa, inhlanganiso yeMatabeleland Collective, uhlangothi lwezamasiko, uNkosikazi Jennie Williams leNational Peace and Reconciliation Commission akumelanga bavunyelwe ukuqhubeka ngohlelo lokugebha amathambo abantu abafa ngaleso isikhathi.
Izolo umahluli weHigh Court uthe uzakwethula isinqumo sakhe esikhathini esizayo.
Isiphathamandla seIbhetshu likaZulu uMnu Mbuso Fuzwayo utshele iStudio 7 ukuthi abathokozi ngendlela idale leHigh Court eliphathe ngayo loludaba.
Your browser doesn’t support HTML5
Ingxoxo loMnu Mbuso Fuzwayo