Namhlanje sisungula uhlelo oluzethulwa nsukuzonke koyonale iviki olokuhlaziya udaba lokubandlululana ngomhlobo, itribalism. Sisungula loluhlelo ngengxoxo esiyenze loMnu. George Mkhwananzi, oyingcwethi kwezombusazwe njalo elonda imbali yamandebele.
“Ukuthi linto ilungiseke zinengi izindlela, eyokuqala ngeyokuthi bengaze baqatshwa abantu abavela kwezinye izigaba lalabo abahlala khona imisebenzi beyifuna babone sokuqatshwe abanye abantu,” kutsho UMkhwananzi.
Uthi okwesibili, nxa kuyikuthi uhulumende kalaleli lokhu sokumele bona abantu beMatabelaland bamanyane babone ukuthi loludaba luzaqedwa njani.
Ulandule ukuthi abavela esigabeni seMatabaleland labo bayaqatshwa kwezinye izigaba wathi: “Yebo ungabathola, ngababili bathathu kundwawan ezithile ngaphandle kwe Matabaleland abathatheli muntu indawo yakhe ngoba bayakwazi ukuthi balithonsi eliwele emanzini wolwandle.”
Uthi lapha kukhulunywa ngabantu abathathwa kwezinye izigaba bezohlaliswa eMatabelaland.
Your browser doesn’t support HTML5
Udaba Silethulelwa Ngu Chris Gande
Kusasa sixoxa lomnu. Mqondisi Moyo, umkhokheli webandla leMthwakazi Republic Party, ibandla eselithunqise udaba lobandlulo lwemihlobo.