Ikhansili yedolobho lakoBulawayo ithi amadamu okukhiwa khona amanzi edolobho leli aselamanzi ayisilinganiso sokungamatshumi amahlanu lasithupha ekhulwini - 56%.
Ikhansili le ithi lokhu sokwenze ukuthi ithathe inyathelo lokumisa uhlelo lwayo lokuvalela izakhamizi amanzi ngezikhathi ezabekwayo.
Isikhulumeli sedolobho leli, uNkosikazi Bongiwe Ngwenya, uthi izulu elinayo selenze kwakhuphuka isilinganiso samanzi emadamu la akade esetshelwa ngamanzi.
Uthi uhlelo lokuvalela uzulu amanzi okusebenzisa solumisiwe kulandela ukuna kuhle kwezulu lonyaka.
Ukhuthaze izakhamizi ukuthi zisebenzise amanzi ngonanzelelo.
Isakhamuzi sakoBulawayo, uMnunzana Simbarashe Tabengwa, uthi bayajabula ngendlela izulu elina ngayo njalo lokumiswa kohlelo lokuvala amanzi.
Idolobho lakoBulawayo lihlezi libhekane lodubo lokusilela kwamanzi ukwedlula amanye amadolobho.
Kwasungulwa uhlelo lokukha amanzi kuNgulukudela kodwa akukhanyi ukuthi kwenzakalani ngohlelo lolu oluba yisivukampunzana ngesikhathi sokhetho konke lokhu kubesokuphela njengomlilo wamaphepha.
Your browser doesn’t support HTML5
Udaba Esilethulelwe NguNompumelelo Moyo