Uhulumende uthi izulu lesiqhotho elibizwa ngokuthi Cyclone Idai selibulele abantu abangamatshumi amathathu lanye-31 njalo abedlula amatshumi amane ababonakali esigabeni seManicaland, ikakhulu eChimanimani leChipinge.
Your browser doesn’t support HTML5
Lalela Loludaba Ngokugcweleyo
Kusenjalo, umongameli Emmerson Mnangagwa wethule umbiko eduduza imuli zabatshone kulingozi njalo ebonga ukuzimisela kwabantu ababahlengayo. Wethule umbiko lo eselizweni le United Arab Emirates, lapho afike khona ngoMgqibelo.
Uhulumende uthi uhambo lolu ngolokuqinisa ubudlelwano lamanye amazwe kanye lokuthuthukisa umnotho welizwe.
Umongameli Mnangagwa ukhatshwe yiziphathamandla zikahulumende ezibalisa uMnu. George Charamba, umphathintambo obona ngobudlelwano lamanye amazwe uMnu. Sibusiso Moyo, owezokwenjiwa kwemigodi, uMnu. Winston Chitando, owezemali uMnu. Mthuli Ncube, kanye lesiphathamandla sebutho uGeneral Valerio Sibanda.
Kusenjalo, intathelizindaba njalo elwela ilungelo loluntu uMnu. Zenzele Ndebele uthi inkampani yakhe ye Center for Innovation and Technology isixhasane lenhlanganiso yeMiracle Mission edingela abathinteke kuCyclone Idai usizo lwempahla elizweni lonke, njalo yena uqoqa azithola koBulawayo.
Your browser doesn’t support HTML5
Ingxoxo loMnu. Zenzele Ndebele