Umculi wako Bulawayo uSyfo Fame, ocula umdumo weHip Hop, owethula indlikizane ye album eyahlupha emisakazweni ngomnyaka ophelileyo elesihloko esithi “Black China”, usephinde wethula eyinye njalo ingoma entsha ebilindelwe ngabalandeli bakhe ngamehlo abomvu eye Afro Pop, elesihloko esithi “Ko Ntuntu”.
USyfo Fame uthe uyajabula ukuba usekhuphe eyinye indlikizane ezathakazelelwa nguzulu.
Uthe kukhanya kulabantu abanengi abahlabela umculo we Hip Hop eZimbabwe abacula ngolimi lweSiNdebele.
Uthi lokhu kwenze ukuba azama eminye imhlobo yemiculo.
“… Kumele ngithole ithuba lokucula ama ‘genres’ atshiyeneyo ngokufuna kwami, ukwenzela ukuthi sibona okungaphuma khonapho. Lokhe ngicula iHip Hop loba nje kodwa kuleso sikhathi bengifuna ukuzama isitayela esitsha.”
USyfo Fame uphinde wathi ingoma yakhe lo Mula the Kid, laye ongumculi owadabukela koBulawayo owe Afro Pop izobe ikhuluma mayelana ngesimo se dolobho lakoBulawayo.
“Abasekeli bami bayathakazela le ngoma yami entsha njalo sebelesikhathi eside bengithumezela imilayezo.”
Abafisa ukulalela ingoma-le kaSyfo Fame entsha bazayithola bayithole kukhasi lakhe ele Facebook, elingaphantsi kwegama Syfo Fame.
Your browser doesn’t support HTML5
Ingxoxo Esiyenze loSyfo Fame