Izisebenzi zikahulumende sezivumelene ukuthi udaba lwabangatholanga iholo kulandela uhlelo lokususa abathola iholo bengekho emsebenzini kumele lusiwe kumqhatshi kuhlolisiwa udaba lunye ngalunye.
Lesi sinqumo sithethwe ngoMvulo emhlanganweni owenzelwe eHarare phansi kwedale le National Joint Negotiating Council.
NgeNsonto, inhlanganiso ye Zimbabwe Teachers Association, iZIMTA, ebilomhlangano owenzwa kanye ngomnyaka, ibivumelane ukuthi kumele uhulumende abanjwe ngamandla ukuthi aphe izisebenzi lezi iholo lazo.
Kodwa lamuhla, ngemva kwalumhlangano, lapho obekuleziphathamandla zikahulumende, kube lokuvumelana ukuthi kumele loludaba lukhangelisiswe ngasisebenzi sinye hatshi ukuthi kube lesinqumo esifanayo kuzo zonke izisbenzi.
Kuzisebenzi ezizinkulungwane ezintathu ezingakatholi iholo kusukela ngenyanga ka Nhlangula lonyaka, amatitshala acatshangelwa ukuthi engafika inkulungwane eyodwa.
Phansi kohlelo lukahulumende lokucanda ingwalo zeholo elibikwa liphezulu kakhulu kulendleko zakhe zonke kulezinye izisebenzi. Umkhokheli wenhlanganiso ye ZIMTA, uMnu. Sifiso Ndlovu, uthi iziphathamandla zikahulumende ebezisemhlanganweni zivumelene njalo ukuthi isisebenzi singatholakala simsulwa, sizaphiwa iholo kungakafiki amalanga amabili.
Your browser doesn’t support HTML5
Ingxoxo LoMnu. Sifiso Ndlovu
Ekhuluma izolo emhlanganweni omkhulu owe conference yeZIMTA oqhutshwa minyaka yonke, umphathintambo kahulumende obona ngezemfundo uMnu. Lazarus Dokora uthe uhulumende uphakathi kwemizamo yokubumba i-board ezahlolisia ngodaba lwababalisi abangaqeqetshelanga lumsebenzi kodwa befundisa, ngoba banengi kakhulu ezikolo njalo babuyisela ezemfundo emuva.
Umgcinisihlalo wenhlanganiso yeZIMTA uMnu. Richard Gundane uthi ukubunjwa kweboard, bona abangayibiza ngokuthi yiTeaching Profession Council kungaba linyathelo elihle kakhulu elokulungisisa loluhlupho.
Your browser doesn’t support HTML5
Ingxoxo LoMnu. Richard Gundani