UMongameli Donald Trump weMelika wenelisa umnyaka owodwa esembusweni njalo kulungiselelwa idili emzini wakhe we Mar-a-largo eFlorida ngoMgqibelo ukunanza ilanga agcotshwa ngalo nyakenye.
Lokhu kwenzakala ngesikhathi impumela yokudingisisa okutshiyeneyo iveza ukuthi inani labasola umbuso wakhe liyakhuphuka, kukanti elabamsekelayo liyehla.
UMongameli Trump ubikwa esanda ukuhlambaza amazwe akuzwekazi leAfrica kanye leleHaiti lanxa ekuphika lokhu, njalo eleMelika lilokhu licubungula ukuphatheka kwakhe ngokungekho emthethweni leziphathamandla zeRussia kudaba lokhetho olwedluleyo.
Ukucubungula loludaba, sixoxe loMnu. Zenzo Nkomo, ingcwethi ecubungula ezombusazwe.
UMnu. Nkomo uthi zinengi kakhulu iziphathamandla zebandla likaMnu. Trump elamaRepublicans esezitshiye umsebenzi okungaze kubonakale kumbali yeMelika, okukhomba ukuthi engehluleka ukunqoba kukhetho oluzayo ukuthi abuse okwehlandla lesibili.
Your browser doesn’t support HTML5
Ingxoxo LoMnu. Zenzo Nkomo