Izakhamizi zeTsholotsho ezadilizelwa izindlu lizulu lesikhukhula elana ekuqaleni kwawonalo umnyaka zithi lanxa uhulumende kanye lenhlanganiso ezizimeleyo ezincedisa ngempahla zokwakha kutsha izindlu, ukugqoka, lokunye, zilokhu zithwele amagabha avuzayo ngoba kunengi okulokhu kusilela.
Inhlanganiso elwela ilungelo loluntu eyeZIMRIGHTS, ithi imanyane lezinye inhlanganiso ukuqoqa impahla ezigoqela isepa, impahla zokugoqa, lokunye okokuncedisa imuli ezifika phose amatshumi aysithupha eButabubili, njalo lokhu isikuphe iwofisi kahulumende eTsholotsho ukuthi ikwabele abantu.
Uhulumende uke wathumela iqula labaphathintambo bengatsha zakhe ezitshiyeneyo eTsholotsho ukuthi lihlolisise ngaloludaba.
Abanye ababhekane lohlupho olufanayo ngababehlala eduzane ledamu le Tokwe Mukosi eMasvingo, eladabuka kulandela izulu elifanayo.
UMnu. Pheneas Ncube, isakhamuzi seGaria eTsholotsho utshele uSithandekile Mhlanga weStudio 7 ukuthi uncedo lwempahla zokugqoka yilo olutholakala lula kulokudla lezinye impahla zokuqedisa ukwakha izindlu.
Your browser doesn’t support HTML5