UMnu. Tsvangirai ubekhuluma eseNairobi eKenya emhlanganweni weOrange Democratic Movement, elikhokhelwa nguMnu. Raila Odinga
WASHINGTON —
Inhloko kahulumende uMnu. Morgan Tsvangirai ukhuthaze eleKenya ukuthi liqhube ukhetho olukhululekileyo njalo likhethe umongameli olohlonzi ozathuthukisa umnotho welizwe.
UMnu. Tsvangirai ubekhuluma eseNairobi eKenya ngoLwesihlanu emhlanganweni omkhulu we Conference yebandla le Orange Democratic Movement, elikhokhelwa yinhloko kahulumende walelo lizwe uMnu. Raila Odinga.
Inhloko kahulumende efike kweleKenya ngolweSine, ubikwa eqale waqhuba umhlangano loMnu. Odinga waseqhubekake esiya enkundleni yeMoi Sports Center Karasani obe kusenzelwa lumhlangano.
Kulolo hambo lokwethekelela kwele Kenya uMnu. Tsvangirai ukhatshwe yiziphathamandla zebandla lakhe leMovement for Democratic Change-MDC, ezigoqela uNkosikazi Theresa Makone loMnu. Jameson Timba.
Kusenjalo, umsekeli kamqoqi wenhlelo zeMDC-T, uMnu. Abednico Bhebhe utshele uSithandekile Mhlanga weStudio 7 ukuthi ibandla lakhe lilobudlelwano obuhle lele Orange Democratic Movement ngoba benanza amalungelo oluntu njalo belenjongo yokuthuthukisa inotho yamazwe abo.
UMnu. Tsvangirai ubekhuluma eseNairobi eKenya ngoLwesihlanu emhlanganweni omkhulu we Conference yebandla le Orange Democratic Movement, elikhokhelwa yinhloko kahulumende walelo lizwe uMnu. Raila Odinga.
Inhloko kahulumende efike kweleKenya ngolweSine, ubikwa eqale waqhuba umhlangano loMnu. Odinga waseqhubekake esiya enkundleni yeMoi Sports Center Karasani obe kusenzelwa lumhlangano.
Your browser doesn’t support HTML5
Lalela Amazwi KaMnu. Tsvangirai
Kulolo hambo lokwethekelela kwele Kenya uMnu. Tsvangirai ukhatshwe yiziphathamandla zebandla lakhe leMovement for Democratic Change-MDC, ezigoqela uNkosikazi Theresa Makone loMnu. Jameson Timba.
Kusenjalo, umsekeli kamqoqi wenhlelo zeMDC-T, uMnu. Abednico Bhebhe utshele uSithandekile Mhlanga weStudio 7 ukuthi ibandla lakhe lilobudlelwano obuhle lele Orange Democratic Movement ngoba benanza amalungelo oluntu njalo belenjongo yokuthuthukisa inotho yamazwe abo.
Your browser doesn’t support HTML5
Ingxoxo LoMnu. Abednico Bhebhe