UMnu Joe Biden ube nguMongameli weMelika wakuqala ngoLwesibili ukwethekelela lapho okwabulawelwa khona abantu abansundu abangamakhulu amathathu, 300, edolobheni leTulsa, eOklahoma, ngabamhlophe abalenzondo bebadubula lokubajikela amabhombha ngendizamtshina eminyakeni elikhulu edluleyo ngo1921.
Abamhlophe laba bachitha lomnotho wabansundu owawusendaweni ebizwa ngokuthi yiBlack Wall Street, eGreenwood, lapho okwakulamabhizimusi abensundu aphumeleleyo.
UMongameli Biden uhlangane labantu abathathu abasinda kulesisiga asebeleminyaka yokuzalwa ephakathi kwelikhulu kusiya kwelikhulu lasikhombisa, 100-107 years.
Usisolile isehlakalo lesi esithi silihlazo embaini yemelika njalo uthe uzulu walelilizwe kumele atshiyane lokubandlulula abensundu.
Ohlaziya ezombusazwe uMnu Mqondobanzi Magonya utshele iStudio 7 ukuthi ukuze udaba lobandlululo luphele kumele abantu baqale ngokutshiyana lokuphawulana ngemibala.
Your browser doesn’t support HTML5
Ingxoxo loMnu Mqondobanzi Magonya