Osemelele ukungena esikhundleni sikaMongameli weMelika mhlaka 20 ngoZibandlela uMnu Joe Biden uwile walimala unyawo ngempelasonto ngesikhathi edlala lenja yakhe.
Ihofisi kaBiden yazise ukuthi uhambe wayabona udokotela izolo. Kodwa ithi kalimalanga kakhulu.
Kusenjalo, uBiden usekhethe abesifazana kuphela abayisikhombisa ukuthi bakhokhele ugatsha olubona ngokwethulwa kwemibiko kuhulumende wakhe.
Lokhu kuthakazelelwe ngabasekeli bakaMnu Biden besithi kuveza sobala ukuthi uzimisele ukugcwalisa isithembiso asenza ngesikhathi esakhankasa esokuphakamisa abesifazana.
Omunye wabasekeli laba uMnu Den Moyo utshele iStudio 7 ukuthi ngokukhetha uNkosikazi Kamala Harris ukuba ngumsekeli wakhe, uBiden wavela watshengisa ukuthi ufuna uhulumende wakhe amele wonke umuntu, okugoqela abesifazana labansundu.
Your browser doesn’t support HTML5
Ingxoxo loMnu Den Moyo