Izizalwane zeZimbabwe ezihlala phandle kwelizwe zibikwa zithumeza imali efika phose ibhiliyoni elilodwa ngomnyaka.
Kodwa inengi lemali le ngeyokuphathisa izihlobo labangane hatshi ukusungula amabhizimusi.
Ngesikhathi ilizwe liphakathi kodubo lokusilela kwelali abahlala phandle kwelizwe baphathise kakhulu ngokuthumela imali ecina isiba yiyo emise umontho welizwe.
Ingatsha zikahulumende ezitshiyeneyo zihlala zikhuthaza abahlala phandle kwelizwe ukuthi basungule amabhizimusi kodwa inengi likhala ngokuthi alitholi nzuzo ngenxa yokonakala komnotho welizwe.
Abanye abasuka emazweni asebehlala khona baphindela ekhaya besiyasungula amabhizimusi bazithola sebengabathwele nzima ngoba amabhizimusi abayabe bezama ukuwasungula engabaphathisi.
Sixoxe lesizalwane seZimbabwe esihlala kwele South Africa, uMnu. Dennis Juru, ukuze sizwe ukuthi kungani abahlala phandle kwelizwe bengasunguli amabhizimusi ekhaya ikakhulu ngesikhathi ilizwe libhekane lokhetho.
"Yebo sibili kuyabe kumele abantu abahlala phandle kwelizwe bayesungula amabhizimusi kodwa ngomumo ilizwe elikhona angiboni umuntu othatha imali yakhe esiyayifaka eZimbabwe," kutsho uJuru.
Your browser doesn’t support HTML5
ingxoxo loMnu. Denis Juru