Omela isigaba seKuwadzana edale lephalamende, uMnu. Nelson Chamisa ngoLwesine wethule udaba lokutshaywa kwabantu abatshengiselayo ngamapholisa esithi loludaba kumele luhluzwe lidale.
Kodwa akusenzakalanga lokhu ngoba amalunga ebandla leZanu PF esuke aphuma ephalamende.
UMnu Chamisa utshele iStudio 7 ukuthi uthukuthele ngocuku lwamapholisa wona asehlezi etshaya uzulu okhonona ngezizatho ezitshiyeneyo ezigoqela umumo wezombusazwe lomnotho welizwe oqhubeka ubhidlika.
Umphathintambo wezemfundo yaphezulu njalo olilunga leZanu PF, uMnu. Jonathan Moyo laye usole ucuku lwamapholisa esithi kupha ilizwe ibizo elibi.
Owake waba ngumphathintambo wezemali njalo ekhokhela ibandla lePeople’s Democratic Party, uMnu. Tendai Biti njalo oligqwetha, ukhuthaze uzulu ukuthi amthumezele amagama amapholisa abonakala esenza ucuku ukuze athathe amanyathelo.
Ukuhlaziya loludaba sixoxe lengcwethi kwezombusazwe, uMnu. Zenzele Ndebele yena othi amapholisa ephula isisekelo sombuso ngokutshaya abantu.
Your browser doesn’t support HTML5
Ingxoxo loMnu Zenzele Ndebele