Amanombolo ethulwa lugatsha lwezempilakahle nsukuzonke aveza ukuthi sokulamalanga ayisikhombisa kungelamuntu obulewe yiCOVID 19 elizweni njalo inani lalabo abahlaselwa yileligcikwane liyehla.
NgoLwesine, abatholakale balegcikwane leli bebelitshumi lasitshiyagalolunye-19, okulethe inani lasebehlaselwe yiCOVID 19 kunkulungwane ezedlula eziyisikhombisa 7, 647. Asebebulewe yileligcikwane selokhu laqhamuka ekuqaleni kwawonalo umnyaka sebengamakhulu amabili lamatshumi amabili lane, 224.
Kusenjalo, abathenga njalo bethengise impahla ezitaladini bathi bayalandela iziqondiso zikahulumende ezokwenqabela ukumemetheka kwegcikwane leCOVID 19, ngesikhathi imigoqo eminengi isiyekethisiwe elizweni
Okunengi ngaloludaba asikuzweni kungxoxo esiyiqhube loNkosazana Debra Mukasa, isiphathamandla senhlanganiso yeBulawayo Vendors and Traders Association.
Your browser doesn’t support HTML5
Ingxoxo loNkosazana Debra Mukasa
UMnu. Nkosikhona Dibiti, intathelizindaba uthi inengi labantu belilandela iziqondiso ze lockdown, lanxa kunzima ukuthi lingasondelelani.
Your browser doesn’t support HTML5
Ingxoxo loMnu. Nkosikhona Dibiti