Uhulumende uthi iziphathamandla zenhlanganiso ebona ngokuqhutshwa kwemihloliso elizweni iZimbabwe School Examination Council (ZIMSEC) yizo esezizakwaba amaphepha emihloliso endaweni yabaphathisikolo kulandela ukuvulwa kwamanye amaphepha ngokungekho emthethweni esigabeni seMidlands, okubangele ukuthi abantwana bemiswe ukuloba limihloliso.
I-ZIMSEC ithi abantwana abahlalele umhloliso welinye lamaphepha esamu lele singisi bazaphinda balobe umhloliso ofanayo kusukela mhlaka 23 kusiya ku 27 kuyonale inyanga ka Lwezi ngoba abanye basebebonile ingcazelo zemihloliso le.
Ukuze sihlaziye loludaba, asizweni imbono kaMnu. Sifiso Ndlovu isiphathamandla senhlanganiso elwela amalungelo ababalisi eye ZIMTA, njalo eyingcwethi ecubungula ezemfundo.
UMnu. Ndlovu utshele uSithandekile Mhlanga weStudio 7 ukuthi uhulumende ubengaphuma lesinqumo esingcono kuloludaba nxa ebengabiza bonke abaphathelane lezemfundo ukuthi behluze amacebo atshiyeneyo ndawonye, ukwenqabela uhlupho olufanayo kusasa.
Your browser doesn’t support HTML5
Ingxoxo LoMnu. Sifiso Ndlovu