WASHINGTON —
Ugatsha olubona ngezemithetho luthi kulicala ukuthengisa iFlag yeZimbabwe kumbe ukulungisa yiloba yini okulomfanekiso wayo ngenjongo yokuthengisa nxa umuntu engela mvumo kahulumende.
Embikweni eliwethule ngoLwesibili, lolu gatsha luxwayise uzulu ukuthi isigwebo sokwephula lumthetho yikuhlala ejele okwenyanga eziyisithupha kumbe ukuhlawuliswa imali engena kumakhulu amabili amadola.
Abalwela amalungelo kazulu bathi uhulumende ukhanya sezama ukulwisana lemikhankaso ephikisa umbuso kaMongameli Robert Mugabe esebenzisa iFlag yeZimbabwe efana le#ThisFlag.
Zinengi iziphathamandla zebandla leZanu PF eseziphumele egcekeni zichothoza ukusetshenziswa kweFlag le ngabantu abasola umbuso kaMugabe.