Uhulumende uthi wonke amankampani emba ilitshe eliligugu elamadayimani sekumele ame umsebenzi.
Ilitshe eliligugu elama Diamonds
Umphathintambo wezokwenjiwa, uMnu. Walter Chidhakwa utshele intathelizindaba emhalnganweni awenze eHarare namhla emini esithi amankampani la ala ukungeana kumanyano wezemigodi njalo kawazange alobise kutsha amalayisensi.
Ingcwethi kwezomnotho welizwe, uMnu. Masimba Kuchera uthi sekukhanya sobala ukuthi uhulumende usezama ukubamba ngamandla amankampani emba amadayimani ukuthi amuphe ingenye yala mankampani.
“Ngibona njengani ayisiyonto engasimangalisa thina ngoba sizwe ubaba uWalter Chidakwa umphathintambo wezemigodi esithi ubengathakazeleli ukuthi kulama mine angu seven emba ama diamonds,” kutsho uKuchera.
Wengezelele esithi bekungela kusebenza kuhle emigodini le ngoba abantu besebezenzela umathanda.
Imigodi yamadayimani eminengi isesigabeni seManicaland ko Chiadzwa.
UKuchera uthi: “Okunye esikwaziyo yikuthi besekungasela ma alluvial diamonds, lawana atholakala phezu komhlabathi njalo amanye amankampani abesevele evalile. Siyakwazi ukuthi langesikhathi sikaMnu. Tendai Biti ubekhala laye esithi imali yakhona kazai ukuthi iya ngaphi.”
Your browser doesn’t support HTML5
Ingxoxo loMnu. Masimba Kuchera